معدل التحويل (CVR) من ١٪ لـ ٢٪ = تكلفة الأوردر بتنزل للنص |
| زيادة معدل التحول في الاعنلانات المدفوعة |
لما النتايج تقل، أول حاجة بنعملها كلنا إننا نروح لمدير
الإعلانات. نغيّر الكرياتيف، نلعب في الاستهداف، نزوّد الميزانية.
وفي حالات كتير، المشكلة أصلًا مش هناك. الإعلان عمل شغله
وجاب ناس مهتمة فعلًا — بس اللي حصل بعد الضغطة هو اللي ضيّع الفلوس.
وده شرحناه بالتفصيل وعملنا كمان قواعد عشان تقدر تحكم على نجاح او فشل الاعلانات وتعرف السبب فين بالظبط ممكن ترجع لها من خلال المقال ده قواعد إيقاف الحملات إزاي تفرّق بين حملة فاشلة وحملة ناجحة
وأنا هقولك حاجة تخلي الموضوع واضح: لو رفعت معدل التحويل
من 1% لـ 2%، تبقى ضاعفت ميزانيتك الإعلانية… من غير ما تزوّد جنيه واحد.
خليني
أقرّبهالك: إعلان ممتاز والنت فاصل
تخيل تاجر صرف على دعاية حلوة، والناس جت فعلًا وبتتواصل معاك .
بس الانترنت فاصل عندك، ومحدش بيرد على الناس
الحسبة اللي
بتوضح كل حاجة
خد المقارنة دي — نفس الإعلان، نفس الميزانية، والفرق
الوحيد في الصفحة:
|
البند |
الصفحة الحالية |
بعد التحسين |
|
ميزانية الإعلانات |
5000 جنيه |
5000 جنيه |
|
زيارات للصفحة |
1000 |
1000 |
|
معدل التحويل |
1% |
2% |
|
أوردرات |
10 |
20 |
|
تكلفة الأوردر |
500 جنيه |
250 جنيه |
تكلفة الأوردر نزلت للنص، والإعلان مااتغيرش فيه حاجة.
ودي النقطة اللي بتفرّق: تحسين الإعلان بيزوّد عدد
الزيارات، لكن تحسين الصفحة بيزوّد قيمة كل زيارة داخلة. والتانية غالبًا أرخص
وأسرع.
4
أماكن بتسرّب فلوسك من الصفحة
1. السرعة
دي أول تسريب وأكبرهم. كل ثانية تأخير في فتح الصفحة بتاكل
جزء من الناس اللي دفعت فيهم فعلًا. والأخطر إن ده بيحصل قبل ما الزبون يشوف عرضك
أصلًا.
اختبار سريع: افتح صفحتك من موبايلك على بيانات الموبايل مش
الواي فاي، وعُد. لو عدّيت 3 ثواني، ابدأ من هنا.
2.
العرض مش واضح في أول شاشة
الزبون لازم يفهم في أقل من 5 ثواني: إنت بتبيع إيه، وليه
هو محتاجه، وإيه الخطوة الجاية. لو محتاج يعمل تمرير لتحت عشان يفهم، إنت خسرت جزء
منهم.
3.
مفيش ثقة
مفيش تقييمات، ولا صور حقيقية، ولا سياسة إرجاع واضحة، ولا
وسيلة تواصل ظاهرة. الزبون اللي مش واثق مش بيشتري حتى لو المنتج مناسب والسعر
كويس.
4.
خطوات الشراء كتير
كل خانة زيادة في النموذج بتخسّرك ناس. اسأل نفسك عن كل
حقل: أنا محتاجه دلوقتي فعلًا، ولا ممكن أخده بعدين؟
3
تعديلات تعملها النهاردة من غير مبرمج
1.
صغّر حجم الصور،
واشيل الإضافات والأكواد اللي مش بتستخدمها — أسرع طريقة لتحسين السرعة.
2.
خلي أول شاشة
تقول: بتبيع إيه، لمين، وبكام، مع زرار واضح مش مخفي تحت.
3.
شيل أي خانة مش
هتستخدمها فعلًا — الاسم والتليفون كفاية في أغلب حملات الليدز.
قبل ما تزوّد ميزانية، افتح صفحتك من موبايلك وجرّب تشتري
بنفسك من أول خطوة لآخر خطوة. هتلاقي حاجات مكنتش واخد بالك منها.
زيادة التحويل من اعلانات الرسائل
أسئلة شائعة
معدل التحويل
الكويس كام؟
بيختلف حسب المجال ونوع المنتج وسعره ومصدر الزيارات. الأهم
من المقارنة بالسوق هو مقارنة صفحتك بنفسها: هل الرقم بيتحسّن مع الوقت ولا ثابت؟
أحسّن
الإعلان ولا صفحة الهبوط الأول؟
لو نسبة الضغط على الإعلان كويسة والتحويل ضعيف، ابدأ
بالصفحة. ولو الضغط نفسه ضعيف، ابدأ بالكرياتيف والرسالة.
سرعة الموقع
بتأثر على المبيعات فعلًا؟
أيوه، وبشكل مباشر. جزء من الزيارات بيخرج قبل ما الصفحة
تفتح أصلًا، يعني إنت بتدفع تكلفة الزيارة من غير ما تاخد فرصة تعرض عرضك.
أعمل صفحة
هبوط منفصلة ولا أوجّه على الموقع؟
لو العرض محدد (منتج واحد أو خدمة واحدة)، صفحة هبوط مخصصة
غالبًا بتدي نتيجة أفضل لأنها بتشيل التشتيت. لو المتجر فيه تنوع كبير، توجيه
لصفحة المنتج نفسه بيبقى منطقي.
وفي نهاية كلامي ياصديقي
الإعلان بيجيب الناس لباب المحل. الصفحة هي اللي بتخليهم
يدخلوا ويشتروا.
وقبل ما تصرف جنيه زيادة على الإعلانات، اسأل نفسك: أنا
محتاج ناس أكتر… ولا محتاج أستفيد أحسن من الناس اللي جاية أصلًا؟
لو عايز مراجعة لصفحاتك أو لحملاتك الإعلانية، تقدر تتواصل
معايا من صفحة اتصل بنا في الموقع.
كنت معكم أحمد صبري
ميديا باير وخبير واستشاري تسويقي ومسوق ومدرب ومحاضر تسويق