 |
| أخطاء من رواد الاعمال في التسويق على السوشيال ميديا |
أكتر حاجه غلط بشوفها كتير اوي من أغلب رواد الاعمال والمشاريع الصغيرة في التسويق على السوشيال ميديا .
انه عشان يبن للعملاء انه جامد جدا ومحترف في مجاله يروح كاتب كل البوستات باللغه الانجليزيه وبتكون الشريحه المستهدفه في الأساس class c /+c بالكتير
ده بيعمل ايه بقا ؟؟.. بيعمل كارثه تسوقيه
1- العميل بيتوقع انك غالي في السعر عليه فمبيكلمش اصلا ولا بيتواصل معاك وبتخسر عميل فعلا مستهدف .
2 - بتخسر ميزة التواصل الأداركي لان نسبة كبيرة مش هيكونوا فهمين انت كاتب ايه وده أكيد بيخسرك زباين كتير .
3- بتسبب احراج لبعض الناس فبتنصرف عن التعامل معاك وتجنبك من الأساس
4 - بتخسر ميزة البراندنج
حجة البعض انا عاوز افلتر الناس اللي تجيلي ...
ردي .. يبقا بلاش تستهدف الشريحه دي وتستهدف شريحه اعلى
وده هيتطلب منك تغيير المكان والجوده والخبرة والمستوى التسويقي والترويجي
ولو فعلا عاوز تفلتر الناس فدي استراتجية بتكون طويلة المدى وبتكون مدروسة وبنستخدم فيها نظرية القمع AIDA funnel وملهاش علاقه باللغه خالص
مثال توضيحي : تواصل معي دكتور فاتح عياده في منطقه شعبيه ويقوم بالتسويق للعياده على السوشيال ميديا وبيشتكي من انه لا يوجد اي تفاعل رغم انه بيصرف كتير على الاعلانات وكمان مفيش مردود وكان في حالة حزن كبير
وعند تحليل منصات التسويق الخاصه به وجدته معظم الاعلانات بالغه الانجليزيه حتى الفديوهات التي يقوم هو بتسجيلها بها بعض النصائح الطبيه بها مصطلحات انجليزي كتير جدا ومعظ الكلام بالانجليزي
اعتقد الاجابة كانت في الكلام المذكور في الاعلى وهو ما نصحته به وتغيرت النتيجه تماما
علمونا في التسويق أن تتحدث الي زبائنك بلغتهم وبلسانهم وتكلم عن الاشياء التي في قلوبهم .قبل ما تشتكي من نقص المبيعات اتأكد انك بتشتغل تسويق صح
يمكنكم التواصل معي عبر منصات التواصل الاجتماعي الموجوده على الموقع او اضغط هنا
ارحب بالجميع
أحمدصبري
استشاري التسويق