اساسيات العمل في الـ Digital Marketing ودى اللى لازم المسوقين والماركتيرز ياخدوا بالهم منها كويس جدا لان فى ناس كتير داخلين المجال ومعندهمش الاساسيات دى وهيا اللي بتفرق مابين المسوق الناجح والمميز من والعادي .
تعالوا مع بعض نعرف ايه هيا الاساسيات دي ...
 |
| أساسيات العمل في الـ Digital Marketing |
1- افهم واتعلم يعنى ايه تسويق
ودى هى البدايه الاساسيه لاى حد عايز يبقى marketer فى المجال ده متشتغلش على الانترنت وانت مش فاهم يعنى ايه تسويق لانك كده عامل زى اللى فى وسط البحر وعمره ماسمع عن حاجه اسمها عوم.2- دراسة المجال
المقصود بدراسة المجال هو المجال اللي انت هتسوق له على الأنترنت، مهم جدا قبل ماتشتغل فى اى مجال بالأخص لو لاول مره تشتغل فيه تبقى عامل دراسه للمجال ده بشكل عام وده بيفرق معاك جدا فى خططك بعد كده.3- دراسة المنافسين
اكبر غلطه ناس كتير بتقع فيها انهم يبدأوا يسوقوا على الانترنت لمنتج او خدمه وهما مش عارفين مين منافسيهم ولا بيقدموا ايه كمحتوى وعروض ومميزات تنافسيه فمن الأخر لازم تبقى عارف نقط ضعف وقوة كل منافس ليك
ومش بس كدا ده لازم تبقى عارف وفاهم ومتابع منافسينك اول باول وتشتغل نقاط الضعف اللي عند المنافسين وتحولها لنقاط قوة ليك انت في المجال اللي بتسوق له .
4- الـ swot analysis
ودى اللى عن طريقها بتعمل تحليل للشركه او المنتج او الخدمه اللى بتسوقلهم وتعرف ايه المميزات والعيوب والفرص والمخاطر ايه وبتساعد جدا فى انك تفهم اكتر وتقدر تعمل خطة تسويق قويه5 - خطة التسويق
خطة التسويق مش انك هتحط كام بوست فى اليوم وخلاص .. الموضوع اكبر من كده بكتير مرتبط باهداف معينه مطلوب تحقيقها واذا شغال على اكتر من platform ازاى شغلك يكون متوافق معاهم كلهم واعلاناتك هتبقى ازاى وامتى ..6- المحتوى
المحتوى برضه مش بس كام بوست بديزاين وخلاص ، بيل جيتس قال "المحتوى هو الملك" ..
ودايما قسم المحتوى بتاعك لقسمين رئيسيين:
وده بيكون عباره عن محتوى عن المنتج او الخدمه وتفاصيلهم ومحتوى كمعلومات عامه ليها علاقه بالخدمه والمنتج بشكل عام ومحتوى للمتخصصين فى المجال اللى بتسوقله ومحتوى تفاعلى .
وده بقى لطرق عرض المحتوى نفسه لان ناس كتير بتركز على ان محتواها يكون عباره عن كلام والديزاينز وبس على كده .. لازم طرق عرض المحتوى تكون متنوعه زى الكتابه فقط والتصميمات والفيديوهات وال GIF .. عندكوا مثلا
انواع البوستات على الفيس كتير جدا تقدروا تستخدموها عشان تنوعوا فى طرق عرض المحتوى
وطبعا المحتوى بيكون ليه خطه لوحده تركز فيها على المميزات التنافسيه والعروض المختلفه وكمان تنوع فى الافكار
ولو عاوز تفهم اكتر هتلاقوا كورس كامل اسمه ادارة صفحات فيسبوك على قناة اليوتيوب في كل طرق عرض المحتوى ومشروح بشكل عملي بالكامل في 5 اجزاء شوفوا من هنا
7 - الـ Team Work
فريق العمل ده من اهم اساسيات النجاح على الانترنت .. دايما احرصوا تكونوا شغالين فى فريق عمل فيه متخصصين فى مجالاتهم .. غير ان ده بيخلى الشغل طالع متميز جدا الا انه كمان بيخلى فيه افكار بتطلع رهيبه وتطور الشغل مستمر.
يعني مثلا مينفعش تعمل تصميمات وتكتب محتوى وتعمل اعلانات وتدير الصفحات وترد على الرسائل والكومنتات كل ده لوحدك حاول يكون معاك فريق عمل كل واحد في تخصصه ده بينجح الشغل وكمان بيخف الضغط بشكل كبير .
8 - تكلفة الحملات الاعلانيه
وعشان تنجح اى منتج او خدمه على الانترنت لازم يكون فى تكلفه للحملات الاعلانيه وتكلفة تكون مناسبه للمجال وتقدر تغطى الـ platformsحد ميزانية معقوله للأعلانات عشان تقدر تنجح بيها شغلك وتحقق بيها اهدافك ، مينفعش تصرف 100 ولا 200 ج في الاعلان وتقول انا كدا عملة اعلانات
التسويق على الانترنت من ارخص انواع التسويق ولاكن مش لدرجة 100 ولا 200 ج زي ما بشوف من بعض المبتدئين وبيشتكوا من عدم وجود نتائج .
9 - الـ Updates
مجالنا فيه تحديثات باستمرار لازم تبقى متابعها لان فى حاجات كتير هتستغلها وهتفرق معاك جدا ومع الجمهور اللى انت مستهدفه
تابع التحديثات في المجال بشكل يومي وفي منصات اخبريه كتير ممكن تتابع منها التحديثات وانا ارشح لكم البوابة العربية للأخبار التقنية
10 - الجمهور المستهدف
ادرس جمهورك المستهدف كويس .. افهم ايه طبيعته .. واعرف كويس هو موجود فين عشان تقدر توصله ... هو انهى شريحه فى المجتمع .. هتخاطبه ازاى .. اهم انواع المنشورات اللى بيتفاعل معاها .. ركز وانت بتدرس المنافسين فى دراسة الجمهور اللى عند المنافسين هيساعدك تفهم حاجات كتير عن الجمهور المستهدف بشكل عامدى اهم الاساسيات اللى لازم وانتوا شغالين تكونوا عارفينها كويس جدا واتنى يكون المقال بالنسبه ليكم كام مفيد
ولو عندك اي سؤال سيبه ليا في التعليقات
#احمد_صبري