كل الناس عوزه تبيع بس مش كل الناس عوزه تبقا رائد في السوق بتاعه وهو ده السهل الممتنع والتفكير خارج الصندوق هنوضح الكلام ده دلوقتي كمل المقال للاخر هتفهم وهتستفاد
 |
| افكار تسوقية خارج الصندوق |
كل الناس عوزه تبيع ومركزه كل مجهودها وطاقتها انها تبيع وبس وبتصرف اعلانات ودعايه كتير جدا عشان تقدر تبيع في ظل المنافسه الشديده في معظم المجالات ، ورغم كل ده حجم شركته ثابت ومبتكبرش تقريبا ولا لها تاثير في السوق بتاعه مع انه يبزل مجهود كبير جدا عشان يقدر يوصل للعميل وبيبع له !
ولاكن شركته زي ماهي نفس نسبة المبيعات ولو وقف اعلانات مش هيبع ولا هيكون له تاثير يذكر .
التفكير خارج الصندوق بأفكار تسوقيه لها تاثير بانك تكون رائد في مجالك وتخلق انت الفرص
عشان تقدروا تفهموا كلامي هقول لكم مثال
مثال واقعي لفكرة تسوقيه خارج الصندوق
محل بيبع عجل ( درجات هوائية ) زيه زي اي محل بيبع عجل وبيعمل اعلانات ودعايه عشان بيبع الدرجات بتاعته ويكسب رغم المنافسه الشديده
وده العادي واللي اي حد بيعمله
اللي مش عادي ان المحل ده قرر انه يكون رائد في السوق بتاعه ويكون له تاثيرفي السوق بتاعه ويبقا رقم واحد فيه ويبع اكتر
ده بقا اللي مش عادي ..... عمل ايه !! ؟
عمل مارثون كل يوم جمعه بتكلفه بسيطه جدا 50 ج للفرد في حالة ايجار الدراجة ومجانا لو عندك الدراجة الخاصه بيك
تعالي خد دراجه وخوزه وجاكت وعيش تجربه جديده من المغامره والرياضه والمتعه . مع وجود فريق من المنظمين والمتطوعين للتامين والدعم
وبدوا يستقطبوا الملهمين والمحبين لركوب الدرجات سواء للمتعه او الرياضة وبقا يوم الجمعة ده عرف اسبوعي عندهم .
تعالوا نشوف الفكره البسيطه دي عملة ايه !!
- عملة دعايه مجانيه للمحل ده وهما مشين في الشوارع بالدرجات ومعاهم اعلام وبنرات عليها لوجو وتفاصيل المارثون وعنوان المحل .
- خلقوا لنفسهم مجتمع خاص بيهم ومتابعين من محبي الدرجات وبقا عندهم ولاء لهم ويسوقوا لهم بطرقه مباشرة وغير مباشرة .
- تجربه قيادة مجانيه للدراجه قبل شرائها . انا واحد كنت جاي استمتع جربت العجله دي عجبتني فشتريت منهم عجله عشان اركبها اي وقت ( زيادة نسبة المبيعات )
- زيادة نسبة الثقه بنهم وبين العملاء بتاعتهم وبقا لهم تاثير مجتمعي واهداف نبيله . فحتى لو معملش اعلانات هبيبع برضو.
- المارثون مكنش مقصور على تاجير الدرجات فلو انت عندك عجله تعالى بيها ونقطه الانطلاق طبعا من امام المحل بتاعهم وده ساعد في زيادة نسبة بيع الاكسسورات او حتى التبديل بدرجات احدث وافضل او حتى الصيانة ( مبيعات ايضا زيادة )
- زاد سيطهم وشهرتهم في باقي المحافظات وبدأت الناس تطلب منهم انهم ينزلوا محافظات تانيه وبالتالي مبيعات اكتر على مستوا الجمهوريه .
- فتحوا فروع جديده بدل المحل اللي في نطاق جغرافي صغير
- قدم فكرة تسوقية خارج الصندوق ومختلفة عن باقي المنافسين ولها هدف نبيل ومفيد للزباين والجمهور المستهدف بالنسباله فخلق تاثير فيهم .
- اصبح رائد للسوق في مجاله ✔️
كيف تكسب مكانة في السوق مزدحم بالمنافسة
دي مشكلة اصحاب البزنس بيفكر بس ازاي يبع بس مبيفكرش ازاي يكون رائد في مجاله وله تاثير فيه مع ان اسهل وابسط وتكلفه اقل بكتير ومدى التاثير اطول ومبيعات اكتر .
هو ده فن التسويق وخلق فرص جديده والتميز عن المنافسين
ستراتجية المحيط الازرق
 |
| استراتيجية المحيط الازرق |
استراتيجية المحيط الأزرق (Blue Ocean Strategy): ظهر هذا المصطلح لأول مرة في كتاب "استراتيجية المحيط الأزرق" الذي ألفه كيم وموبورن (Kim & Mauborgne) عام 2005، وتناول الكتاب دراسة شملت أكثر من مائة شركة نجحت في تغيير قواعد المنافسة،
بختصار استراتجية المحيط الازرث بتدعو الشركات الي التخلي عن الاسواق شديدة المنافسة ، وان تبني أسواق جديده لعرض منتجاتها والسلع اللي بتقدمها عن طريق الابتكار لتحول من المحيط الأحمر اللي فيه تنافس قوي الي المحيط الازرق الاقل تنافس وتصبح رائد السوق بتاعك .
اتمنى اكون وضح المعن والمثال المذكور يكون وضح الفكرة
هو ده فن التسويق وخلق فرص جديده والتميز عن المنافسين
الامثله كتير جدا واتمنى المناقشه في التعلقات
استمتع بالمناقشه وتبادل الاراء ووجهات النظر