التسويق عبر المؤثرين أو استخدام الـ Influencers في التسويق
كلنا متابعن ناس يوتيوبر وبتتفاعل معاهم وبتشوفهم احيانا بيعملوا اعلانات لمنتجات او لشركات
في المقال ده دليل كامل ومفصل لأهمية استخدام المؤثرين في التسويقأو بصيغة أخرى التسويق عبر المؤثرين
ممكن يكون طويل شويا المقال بس مفيد مش هتحتاج غيرة لفهم الموضوع
ده المقال رقم 4 من سلسة مقالات اللي بتكلم فيها عن أفضل طرق التسويق بشكل مبتكر
فلو فاتك المقالات اللي قبل كدا هتلاقي الروابط اخر المقال ده
 |
| التسويق عبر المؤثرين |
استخدام الـ Influencers اصبح مستهلك ولاكن مازال مهم ومؤثر
التسويق عبر المؤثرين والمشاهير ليس وليد الصدفة ولكنه بدأ مع نمو وتطور مواقع التواصل الأجتماعي كان التركيز زمان على نجوم السينما والكورة في الأعلانات اما دلوقتي عبر مشاهير السوشيال ميديا ومؤثرين التواصل الأجتماعي
الفرق بين المؤثرين والمشاهير
فالمؤثر هو شخص متخصص في موضوع او مجال معين ومش شرط يكون عنده جمهور كبير ولاكنه مؤثر في متابعينة
زي اللي بيتكلم عن العربيات او الموبيلات او الاكل .... فقط
عكس المشهور اللي بيركز على مواضيع مختلفة بهدف الشهرة وجمع اكبر قدر من المتابعين بمختلف الأهتمامات زي احمد وزينب مثلا
- الوعي بالعلامة التجارية سواء منتج او خدمة
- ولا مبيعات
بالتاكيد الشخص المؤثر بيكون تاثيرة اقوى على جمهورة لانهم بيثقوا فيه وفي كلامه وعامل الثقه هنا مهم جدا بالنسبة للاعلان بتاعك وتأثيرة .
وكمان اختيار الشخص المناسب للبزنس وشخصية البزنس مهم جدا فكل ما كان شخصية المؤثر والكرزمة الخاصة بيه واسلوبه قريب من شخصية البزنس بتاعك كل ما كان مردرد الاعلان اقوى .
مثال صغير لشيخ سعودي انا بتابعه على تويتر بيقوم بعمل دعاية على حسابه على تويتر لشركة بتبيع عطور العود والمسك .
مش محتاج اقولكم اد ايه الشركة دي بتحقق مبيعات من اعلانات الشيخ ده ليها
وده لان متابعين الشيخ بطريقة غير مباشر في رابط بينه وبنهم من الثقه وبالتالي لما ينزل اعلان لعطور عود هيتحولوا لعملاء للشركة لانه مؤثر في جمهورة .
وكمان اختيار الشركة اللي بتبيع عطور العود والمسك بالتحديد للشيخ اختيار صحيح لانه مناسب لطبيعة البزنس بتاعها .
مثال تاني
من أوائل الشركات الكبرى اللي استخدمة المؤثرين في التسويق هيا شركة سامسونج وكان عبر اليوتيوبر وده بعد فشل موبيل note 7 وانفجارة المتكرر
ومن وقتها اصبحت شركة سامسونج صاحبة الريادة في التعامل مع اليوتيوبر ومراجعين الهواتف على اليوتيوب لدرجة وانت بتتفرج على الفديو متحسش انه اعلان ولا ان اليوتيوبر ده واخد فلوس من الشركة اصلا
وهدف الشركة هنا هو الوعي بالمنتج الجديد عكس المتال اللي قبله بتاع العطور كان مبيعات اكتر
لان بكل بساطه بيكون جمهورهم مشتت ومتعدد الاهتمامات والاعمار ودي حاجه في التسويق انا مبفضلهاش فكل ما كان اختيارك دقيق وقريب من مجال البزنس وطبيعته كل ما كان افضل في النتائج بالنسبه لك .
- كذالك التركيز على منتج معين زي سيارة او محل معين لبيع الملابس داخل عمل تلفزيوني في فلم او مسلسل فدة برضو بيندرج تحت مسمى التسويق الضمني ( عاوز مقال لوحدة لشرحة ) وليس التسويق عبر المؤثرين
لماذا التسويق عبر المؤثرين مهم ؟
- زيادة تكلفة الأعلانات بشكل كبير عن الاول .
- تجنب تكلفة صناعة المحتوى زي التصوير والمنتاج والديزين والاسكريبت وغيرة ، كل ده بيقوم بيه المؤثر بنفسة .
- نشر الوعي وزيادة الثقة بالشركة بتاعتك او المنتج بتاعك لان بكل بساطة حد موثوق فيه اتكلم عنه وبيستخدمه .
- استغلال المؤثرين في اعادة الاستهداف والجمهور المشابة ليهم ( look a like audience )
وده من خلال مشاعدات الفديو وزيارات الموقع بتاعك والتفاعلات اللي بتزيد على منشوراتك ، وبالنسبالي ده اهم تاني مكسب ليا كـ ماركتير . - استغلال عامل الثقة بينة وبين الجمهور
- زيادة نسبة التفاعلات والمشاهدات بصفة عامة على صفحات التواصل الأجتماعي بتاعتك، وده نتيجة لتحول متابعين المؤثر ده لزيارتهم لصفحات التواصل الاجتماعي بتاعتك ومتابعتهم ليها .
وبالتالي تحسين ظهورك في نتائج محركات البحث ، وظهور منشوراتك بشكل أكبر او بنسبة أكبر للجمهور، وبالتالي تحسين صورتك للجمهور بتاعك الاساسي . - عمر الفديوهات على الأنترنت أطول خصوصا عند المؤثرين ، فالأعلان بيحافظ على نتائجة لفترة كويسة .
أنواع المشاهير والمؤثرين ؟
 |
1- الشخصيات العامة .
(زي محمد صلاح كدا محتاج ملاين عشان تتعامل معاه )
2- المؤثرين المشاهير.
محتاج برضو مبلغ وقدرة وانا مبفضلوش اعمل اعلانات مموله اوفر
3- المؤثرين المتوسطين
( من 100الف متابع الي أقل من مليون )
ودول التعامل معاهم بيكون فعال ولاكن برضو مناسب للشركات الكبيرة والمتوسطه بالنسبه للمقابل المادي
4- المؤثرين الصغار
( أقل من 100 الف متابع )
دول الاكثر فاعلية وتأثير وعن تجارب كتير مع مؤثرين في أكتر من مجال
كتير من المؤثرين دول ميعرفوش قمتهم وممكن يعملوا لك دعاية بمقابل بسيط جدا او منتج مجاني فقط
وبيكون التاثير كبير جدا بالنسبه لشغلك .
طرق البحث عن المؤثرين والتواصل معاهم
طيب ازاي الاقي المؤثرين دول وقدر أتواصل معاهم ؟
في الحقيقة في طرق كتير ... زي مثلا
- البحث في موقع Linked In
وده انك تبحث على موقع لانكدان عن Influences كوظيفة أو مهنة وتتواصل بعد كدا معاهم حسب الشخصية اللي تناسبك وتناسب البزنس بتاعك وطبيعتة .
زي انك تكتب بعض الكلمات في البحث الخاص بمواقع التواصل الاجتماعي المختلفه وتدور في النتائج على المؤثرين
زي انك تكتب بعض الهشتاج المتعلقه بالمجال بتاعك وتدور فيها برضو بنفس الطرييقه اللي فوق
- أدوات تقيم المؤثرين
ودي مجموعة من المواقع هدفها تجميع المؤثرين وتقيمهم وتسهيل الوصول ليهم في مختلف المجالات والدول حول العالم
زي موقع دولفينوس العربية وفيه مؤثرين عرب بيبدأ من 7000متابع وحلو جدا في الاختيار وسهل
و موقع social blade العالمية وفيه مؤثرين عالمين من جميع أنحاء العالم .
- البحث اليدوي .
ودي الطريقه اللي انا بفضلها وهيا انك تدور وتبحث كمشاهد او متابع وتشوف الانسب لك ايه ومين المؤثر اللي يقدر يمثل البزنس بتاعك ويسوق له او زي ما بنقول كدا التسويق عبر المؤثرين للبزنس بتاعك .
شوية ملحوظات ونصايح !
- وانت بدور على المؤثر شوف حجم التفاعل على المنشورات والفديوهات بتاعته وقارنه بعدد المتابعين بتوعه
وافتكر ان مش شرط يكون عدد المتابعين كبير المهم يكون عدد التفاعلات كويس او معقول
مثلا مؤثر عنده 100 الف والتفاعل على المنشورات بتاعته 1000 تفاعل فقط
ومؤثر تاني عنده 50 الف وعدد التفاعل على المنشورات بتاعه 7000 مثلا
انهي فيهم افضل ؟؟!! الحكم ليك ؟
- حاجه تانيه شوف التعليقات عندو هل هيا اجابية ام سلبية ! هيفرق كتير في الأختيار
- مش شرط يكون المؤثر ده عمل اعلانات قبل كدا لحد
ممكن تبقا انت اول شخص تتعامل معاه عادي في الاعلانات
- واخيرا اختار منصة السوشيال ميديا المناسبه للمجال بتاعك وجمهورك
سواء يوتيوب او فيسبوك او نستجرام , توتير وغرها وكمان اختار جنسية المؤثر المناسبة للجمهور المستهدف وللبزنس .
- اختار الشخصية اللي تناسب البزنس وتعرف تتكلم عنه وتمثله
الخطوة اللي بعد كدا .... هي
التواصل مع المؤثرين والمشاهير
أخر حاجة واخر خطوة
انك تجيب ورقه وقلم او صفحة word وتكتب فيها اسماء المؤثرين اللي انت شايفهم مناسبين ليك وتبدا تصنفهم وترتبهم من حيث الاولوية
وتتواصل معاهم وتعرف الاسعار بتاعتهم وتختار من بنهم افضل شخص لافضل سعر بالنسبه لك
وناقش مع المؤثر طريقة عرض الاعلان والاسكريبت واستمع له جيدا لانه عارف ما يفضله متابعينه واكتفي بطرح بعض الملاحظات فقط يعني متتدخلش اوي في المحتوى قوله الحجات اللي يركز عليها بس
واختار مع المؤثر التوقيت المناسب لك لنزول الاعلان
وبكدا اقدر اقولك مبروك الاعلان