من أساليب التسويق المبتكرة هي استخدام الموظفين في التسويق لشركتك أو البزنس بتاعك .... جمله صادمة مش كدا !
خلينا نصغها بشكل علمي أكتر وهي
"ادارج الموظفين ضمن خطتك التسوقيه وخطة المحتوى الخاصة بالشركة او البزنس "
موضوع مهم وممكن يبقا طويل شويا بس الاكيد انه هيأثر بشكل اجابي على البزنس بتاعك وممكن تكون الفكره البسيطه دي هيا نقطة قوة ليك في السوق بتاعك .
عشان تفهم تابع المقال للاخر ..... (لاصحاب الفكر الراقي )
ده المقال رقم 2 من سلسة مقالات اللي بتكلم فيها عن أفضل طرق التسويق بشكل مبتكر
فلو فاتك المقالات اللي قبل كداهتلاقي الروابط في أخر المقال انصحك بقراءتهم
 |
| التسويق بالموظفين |
مقدمة للتسويق بالموظفين
- ممكن يبقا عندك مطعم وجايب فيه شيف ممتاز بس انت مركز كل تسوقيك في انك ازي تزود المبيعات للمطعم ده واد ايه الاكل جميل والمكان ممتاز بس كدا
- او عندك شركة استثمارعقاري ومشغل معاك خبيرعقاري ممتاز بس انا كعميل معرفش ده
- او عندك team مبيعات عبقري
- اوانت بتتعامل مع Photographer اوDesigner أو marketer هايل
- او حضانه وعندك مدرسين بيتعاملوا مع الأطفال بطريقه تربيوية سليمه.
- أو مركز صيانة سيارات وعندك صنايعية شطرين جدا وممتزين
كل دي مجرد نماذج مش أكتر
إزاي استفاد من الناس أو بالتحديد من موظفيني في التسويق لشركتي والبزنس بتاعي مهما كان نوعه !
- خد قرار ان موظفينك هيكونوا جزء من خطتك التسوقيه وخطة المحتوى بتاعتك
مثلاً
- الشايف الهايل ده ابدأ نزل عنه بوستات على صفحة المطعم واد ايه انه بيحب شغله وهو مبدع فيه
واحكي قصص (حقيقيه) عنه وعن خبراته وصوره وهو بيعمل الأكل وبيبدع فيه .
- الخبير العقاري صورة وهو بيتكلم عن مستقبل العقارات واطلع معاه لايف واكتب عنه بوستات واد ايه هو اضافه كبيرة للشركة وان في شركتك كادر مهم ومكسب كبير وانك كعميل لما تتعامل معانا في انت في ايد امينه لان انا عندي خبراء المجال .
- فريق السيلز انشر صور لافضل فرد في التيم حقق التارجت بتاعه واشكره وافتخر بيه انه مجود في شركتك واعمل كدا مع كل افراد الشركه كنوع من التكريم لهم والتحفيز واحكي قصص ومواقف خاصة بيهم وفي حياتهم واد ايه كانوا اقوية وتجاوزوا التحديات والمحن
حتى Office boy اتكلم عنه وعن دورة المهم في الشركة
وافتكر انك بتتكلم مع العملاء بتوعك عشان توصل لهم رسايل معينه عنك .
أما المصور والديزينرأو اي حد بيشتغل معارك freelancer نزل لهم فديوهات واذكر اسماءهم ان شغلهم حلو وانهم مكسب للشركه وانك بترشحهم لاي حد يتعامل معاهم .
طبعا هلاقي نقد شديد جدا وهيتقالي انا بقا اسيب شغلي واكل عيشي واقعد اشكر واتكلم عن الموظفين بتوعي !!أهمية استخدام الموظفين في التسويق
 |
| استخدام الموظفين في التسويق |
خلينا نفهم مع بعض الهدف ايه من اللي انا بقولة ده :
طبعا كل مقال او بوست بتكتبه عن موظفينك بيعكس صورة للمؤسسة بتاعتك ومناخها الداخلي مهما كان حجمها للعملاء بتوعك .
ممكن تعكس صورة من خلال بوستاتك عن موظفينك للاحتراف – التعاون – الصداقه – المرح – الجدية – السرعة )
بمعنى انك لو عاوز تقول للمتابعين اللي هما بالنسبالك العملاء المحتلمين انا شركتي محترفة في شغلها ، تقدر تعكس الصورة دي من خلال بوستاتك عن موظفينك ، كذالك المرح والتعاون والمواقف الانسانية .... الخ
بس خد بالك ! .. انا قولة استخدام الموظفين في التسويق هو جزء من خطتك التسوقية يعنى لازم تكون الصورة اللي هتعكسها فعلا موجوده وواقعيه وهيا دي طبيعة الشركة اصلا ، وكمان تكون جزء من خطة المحتوى وليس كل المحتوى .
وهتعرف انا اقصد اية في الاخر ... تابع معايا المقال للأخر
السند العلمي لاستخدام الموظفين في التسويق
الكلام الللي انا كاتبه ده بتسند على حجتين :
- الأولى قاعدة أساسية في التسويق .
- الثانية استراتجية خاصة بطبيعة مواقع التواصل الأجتماعي .
نبدأ السند الأول : وهو قاعدة أساسية في علم التسويق
تالت مرحلة من العملية التسويقيه وهي 7Ps او المزيج التسويقي marketing mix
الـ P الأخير وهي People
وده جزء من الأستراتجية التسوقيه بنركز فيه على الأشخاص مقديمين الخدمه
واختيار افضل الكفاءات وكيفة ابرازها في التسويق واستغلالها لتقديم افضل خدمة للعملاء
 |
| المزيج التسويقي Marketing-Mix-7Ps |
*اما السند التانية : واللي هيا طبيعة منصات التواصل الاجتماعي
فهمنا لمواقع التواصل الأجتماعي اللي بنشتغل عليها وطبيعتها هيا اللي بتجبرنا على استخدام اسلوب التسويق بالموظفين كجزء من خطة المحتوى
طبيعة المنصات دي زي الفيسبوك وانستجرام مثلا هيا منصات اجتماعية ترفهية مش منصات للبيع مش سوق دوت كوم خالص ^_^
المركتير الذكي هو اللي يقدر يستغل المنصات دي للتسويق صح بالشكل الصح
وهو انك تصاحب العملاء بتوعك الحالين والمستهدفين وتعيشهم مناخ شركتك وتعرفهم بموظفينك واسرة وكيان الشركة قبل حتى ما يتعامل معاك .
وده جزء مهم من نجاحك على الانترنت وتكلمنا في المقال بتاع أستخدام البث المباشر في التسويق عن ازاي تعيش المتابعين مناخ شركتك انصحكم بالقراءة له
طبيعي هيتابعك ووهتكون اول اختيار له وقت ما ما يجي يشتري المنتج او الخدمة اللي بتقدمها
لانك كنت واضح معاه وعرفك وعرف عنك حجات كتير من قبل ما يتعامل معاك انت بالنسباله حاجه واضحة واختيار واضح وخالي من القلق .
وركز على خالي من القلق دي اوي لانها مهمة
مميزات وعيوب التسويق بستخدام الموظفين
نيجي على المميزات والعيوب .
بالنسبه ليك كصاحب بزنس
- بيقوي العلاقة بينك وبين العملاء بتوعك جدا .
- بيكبرك في السوق لانك بالبلد دي بتستعرض عضلاتك بالموارد البشرية اللي عندك ودي نقطة قوة لاي بزنس .
- بيزود الولاء عند الموظفين بتوعك وانتمائهم وحبهم للمكان اللي شغليني فيه وبالتالي بيزود الانتجاية عندهم في الشغل .
- زيادة تحفيز الموظفين والمنافسه بنهم وبين بعض واللي بالتالي بيصب في مصلحة البزنس بزيادة الطاقة والحماس والانتاج .
- بالنسبة للموظف فده بيزود من قيمته في السوق لان ده تسويق شخصي Personal Marketing للموظف
وبعض اصحاب البزنس شايفه ان ده من العيوب لانه ممكن الموظف يتغر او يشوف شركة تانيه تعرض عليه مرتب اعلى لما تعمل له تسويق على صفحات شركتي .
ردي : ان الموظفين مش محتاجين ده لانه ممكن يعمل تسويق شخصي Personal branding لنفسه وبرضو يمشي وسيبك بس لو عملة تسويق له عندك هتكون استفدة في التسويق لنفسك برضو من خلاله .
- خد بالك لازم يكون كل كلمه هتكتبها عن موظفينك وخبرتهم وقصصهم والصورة اللي هتعكسها عن الشركة حقيقيه فعلا والا انت بتدمر نفسك لو كذبت او حتى تجملت بكلمه مش حقيقيه .
واخيرا في استراتجية اسمها "تأييد الموظفين" على منصات التواصل الاجتماعي .
استراتجية تأييد الموظفين كجزء من خطتك التسوقية
 |
| تأييد الموظفين |
للاسف مقبلتهاش بتطبق عندنا هنا في مصر غير في شركات محدوده جدا زي مجموعة العربي مثلا
وهيا بكل بساطه بعد ما تعمل الحجات اللي مكتوبه فوق دي كلها ☝️
بيبدا الموظفين يسوقوا لك ويشيروا الـ posts بتاعتك ويتكلموا عنك وعن شركتك على صفحتهم ويكتبوا محتوى بيتكلموا عنك فيه والمحتوى ده طبعا بيتشير وبيشوفوا اصدقائهم واصدقاء اصدقائهم وبالتالي انتشار وسمعة .
والشركات اللي بتطبق الاستراتجية ديواللي بنسميها استراتجية تأييد الموظفين بتشجع الموظفين على كتابة المحتوى اللي بيتكلم عن الشركة وبتوفر لهم مكافئات وبتساعدهم في تقديم محتوى يمكن انتشاره وعمل شير له خصوصا لو كان بيتكلم عنهم .
خبراء التسويق والادارة بيقولوا ان في نوعين من العملاء بتوعك- العميل الداخلي : اللي هما الموظفين بتوعك .
- العميل الخارجي : اللي هما الزباين او العملاء اللي بتبيع لهم منتجاتك وخدماتك
الخلاصة
- التسويق مش لازم يكون كله بيع واعلانات لزيادة المبيعات
- الخطه التسوقيه بتتبني على حجتين
خطة قصيرة المدى
لزيادة المبيعات واللي هيا اعلانات البيعات والعروض واعلان المنتجات
وخطة طويلة المدى
اللي فيها بنحقق رؤية واهداف المؤسسة ونبني فيها براند وننشئ فيها الثقه والسمعة وجزب عملاء لهم ولاء وحب ليك على المدى الطويل .
- التسويق مش وظيفة التسويق طريقة تفكير ... فخليك مبدع .
- السوشيال ميديا مش مجرد اعلانات مموله ده فكر واستراتجيات وعلم
واخيرا لو عجبك المقال اعمل له شير واستنه المقال الجاي هيكون مهم اوي
ومستني تعلقاتكم ومناقشتكم بستمتع جدا بالمناقشات ووجهات النظر المخت